Anulimi dhe rimbursimi

Përditësuar më 24 gusht 2026

1. Çka paguhet

Paguhet vetëm abonimi i kompanisë së taksisë: €99 për muaj ose €1188 për vit. Kjo është e vetmja pagesë që kalon përmes nesh.

Klientët nuk paguajnë asgjë për aplikacionin. Udhëtimi paguhet në veturë, drejtpërdrejt te taxisti, dhe nuk ka lidhje me këtë politikë.

2. Anulimi i abonimit

Abonimi mund të anulohet në çdo kohë duke na shkruar në [email protected] nga email-i i kompanisë, ose thjesht duke mos e rinovuar kur të mbarojë periudha.

Pas anulimit, shërbimi vazhdon të punojë deri në fund të periudhës së paguar. Nuk ka tarifë anulimi dhe nuk ka afat minimal kontrate.

3. Kur i kthejmë paratë

Brenda 14 ditëve nga aktivizimi i parë

Nëse jeni klient i ri dhe vendosni se shërbimi nuk ju përshtatet, kthejmë shumën e plotë, pa pyetje. Kjo vlen vetëm për abonimin e parë të një kompanie, jo për rinovimet.

Kur shërbimi nuk punon për fajin tonë

Nëse shërbimi është i padisponueshëm për një periudhë të zgjatur për shkak të një problemi tonin, kthejmë pjesën proporcionale të ditëve të humbura, ose ua zgjatim abonimin me po aq ditë — zgjidhni ju.

Pagesë e dyfishtë ose e gabuar

Kthehet e plotë sapo të konstatohet.

4. Kur nuk kthejmë paratë

• Për ditët e mbetura kur anuloni vullnetarisht pas 14 ditëve të para — shërbimi mbetet aktiv deri në fund të periudhës.
• Kur llogaria pezullohet për shkelje të kushteve të përdorimit.
• Për ndërprerje që rrjedhin nga interneti i kompanisë, telefonat e taxistëve ose GPS-i i tyre.

5. Si kërkohet rimbursimi

Na shkruani në [email protected] nga email-i i regjistruar i kompanisë, me emrin e kompanisë dhe numrin e faturës. Përgjigjemi brenda 3 ditëve pune.

Paratë kthehen në të njëjtën mënyrë që janë paguar. Kur pagesa është bërë me kartelë, kthimi shkon te e njëjta kartelë; koha derisa të duket në llogari varet nga banka juaj, zakonisht 5–10 ditë pune pas miratimit.

6. Kontakti

Email: [email protected]
Telefon: 049 298 296
Adresa: Rruga Fehmi Agani, pn, Pejë